یونان میں کریتی جزیرے پر لگنے والی خوفناک آگ نے تباہی مچادی

آگ لگنے کے بعد رہائشی علاقوں اور ہوٹلوں کو فوری خالی کروا لیا گیا ہے،حکام

جمعہ 4 جولائی 2025 15:18

ایتھنز(اُردو پوائنٹ اخبارتازہ ترین - این این آئی۔ 04 جولائی2025ء) یونان میں کریتی جزیرے پر لگنے والی خوفناک آگ نے تباہی مچادی۔میڈیا رپورٹس کے مطابق آگ رہائشی علاقوں تک پھیل چکی ہے، اور کئی مکانات جل کر خاکستر ہوگئے ہیں۔

(جاری ہے)

رپورٹ کے مطابق آگ لگنے کے بعد رہائشی علاقوں اور ہوٹلوں کو فوری خالی کروا لیا گیا ہے۔ جبکہ پندرہ سو سے زائد افراد کو محفوظ مقامات پر منتقل کر دیا گیا۔اس کے علاوہ آگ سے بڑے پیمانے پر زیتون کے درخت، فصلیں اور گرین ہاس متاثر ہوئے، تاہم آگ لگنے سے کسی قسم کا کوئی جانی نقصان نہیں ہوا۔فائر بریگیڈ کا عملہ آگ بجھانے میں مصروف ہے اور آسمان سے پانی پھینکنے والے ہیلی کاپٹر بھی موجود ہیں۔