شمالی کوریا نے اپنے طاقتورترین میزائل کی رونمائی کردی

پریڈ میں ملک کے کچھ جدید ترین ہتھیار دکھائے گئے،مقامی میڈیا

ہفتہ 11 اکتوبر 2025 17:45

شمالی کوریا نے اپنے طاقتورترین میزائل کی رونمائی کردی

پیانگ یانگ (اُردو پوائنٹ اخبارتازہ ترین - این این آئی۔ 11 اکتوبر2025ء) شمالی کوریا نے اپنے سب سے طاقتور بین البراعظمی بیلسٹک میزائل کی رونمائی کردی ہے۔میڈیا رپورٹس کے مطابق شمالی کوریا نے یہ رونمائی ایک فوجی پریڈ کے دوران کی جس میں روس اور چین کے اعلی حکام بھی شریک تھے۔پریڈ کی یہ تقریب حکومتی جماعت ورکرز پارٹی کے تحت 80 سال مکمل ہونے پر منعقد کی گئی۔

(جاری ہے)

یہ ایسے وقت میں بھی سامنے آیا ہے جب شمالی کوریا کے لیڈر کم جونگ ان یوکرین کی جنگ میں ماسکو کی افواج کے شانہ بشانہ کھڑے ہیں۔تقریب میں کم جونگ ان کے ساتھ روسی صدر ولادیمیر پوٹن کے قریبی ساتھی دمتری میدویدیف، چینی وزیر اعظم لی کیانگ اور ویتنام کے رہنما ٹو لام موجود تھے۔اس پریڈ میں ملک کے کچھ جدید ترین ہتھیار دکھائے گئے جن میں طاقتور ترین Hwasong-20 بین البراعظمی بیلسٹک میزائل بھی شامل تھا۔