Live Updates

غزہ میں جنگ بندی، لبنان پر اسرائیلی فضائیہ کی بمباری

جنگ بندی کے کچھ ہی گھنٹوں بعد اسرائیلی فضائیہ نے بمباری شروع کردی،رپورٹ

ہفتہ 11 اکتوبر 2025 16:14

غزہ میں جنگ بندی، لبنان پر اسرائیلی فضائیہ کی بمباری

تل ابیب(اُردو پوائنٹ اخبارتازہ ترین - این این آئی۔ 11 اکتوبر2025ء) اسرائیلی فوج نے لبنان میں حزب اللہ کے مبینہ انفراسٹرکچر پر فضائی حملہ کردیا۔ غزہ میں جنگ بندی ہوگئی مگر اسرائیل مشرق وسطی کے دیگر ملکوں پر حملوں سے باز نہ آیا۔

(جاری ہے)

جنگ بندی کے کچھ ہی گھنٹوں بعد اسرائیلی فضائیہ نے بمباری شروع کردی، دوسری جانب غزہ جنگ بندی معاہدہ نافذ العمل ہونے کے بعد فلسطینیوں نے بچا کچا سامان اٹھا کر اپنے تباہ حال گھروں کا رخ کرلیا، ہزاروں کی تعداد میں فلسطینی شہری اپنے گھروں کو لوٹنے لگے۔

امریکا کے مشرقِ وسطی کے لیے نمائندہ خصوصی اسٹیو وٹکوف نے کہا کہ اسرائیلی فوج نے انخلا کا پہلا مرحلہ مکمل کرلیا، یرغمالیوں کی رہائی کے لیے 72 گھنٹے کا وقت شروع ہوگیا ۔حماس، اسلامی جہاد اور پاپولرفرنٹ کا مشترکہ بیان میں کہنا ہے کہ غزہ کی گورننس خالصتا فلسطین کا داخلی معاملہ ہے، کسی غیر ملکی سرپرستی کو قبول نہیں کیا جائے گا، عرب اور بین الاقوامی ممالک کا غزہ کی تعمیرنو میں تعاون کاخیر مقدم کیا ہے۔