میدان کربلا میں شہیدوں کے لہو نے ثابت کر دیا کہ حق لازوال اور باطل مٹنے کیلئے ہے،حمزہ شہباز

اتوار 6 جولائی 2025 16:00

لاہور (اُردو پوائنٹ اخبارتازہ ترین - اے پی پی۔ 06 جولائی2025ء) شہید کربلا حضرت امام حسینؓ ان کے خانوادے اور رفقا کی عظیم قربانی کی انسانی تاریخ میں مثال نہیں ملتی۔

(جاری ہے)

یوم عاشور پر سابق وزیراعلی پنجاب و نائب صدر مسلم لیگ ن حمزہ شہباز نے اپنے پیغام میں کہا کہ باطل کے سامنے ہر صورت کلمہ حق کا ابلاغ اور اللہ تعالی پر توکل و رضا کا سبق سیدنا امام حسینؓ نے مسلمانوں کیلئے نمونہ مثال چھوڑا ہے۔

نواسہ رسول ﷺنے قربانی دے کر سبق دیا کہ نظریہ اور مقصد کے سامنے کسی چیز کی اہمیت نہیں۔ انہوں نے کہا کہ کربلا کے میدان میں شہیدوں کے لہو نے ثابت کر دیا کہ حق لازوال اور باطل مٹنے کے لیے ہے۔اللہ تعالی سے دعا ہے کہ وہ یوم عاشور کے اصل پیغام کو جو قربانی پر مبنی ہے ہماری زندگیوں میں شامل فرمائے۔