لیبیا کے ساحل کے قریب تارکین وطن کی کشتی خراب، 20 افراد کو بچا لیا گیا

پیر 7 جولائی 2025 16:44

طرابلس (اُردو پوائنٹ اخبارتازہ ترین - اے پی پی۔ 07 جولائی2025ء) لیبیا کے ساحل کے قریب تارکین وطن کی کشتی خراب ہو گئی جس میں 20 افراد کو بچا لیا گیا۔

(جاری ہے)

متحدہ عرب امارات کی نیوز ایجنسی وام نے لیبیا کی وزارت داخلہ کے حوالےسے بتایا ہے کہ ساحلی شہر الزاویہ کے قریب سمندر میں ایک کشتی کے خراب ہونے کے بعد مختلف ممالک سے تعلق رکھنے والے 20 غیرقانونی تارکین وطن کو بحفاظت بچا لیا گیا ہے۔ یہ افراد یورپ کے ساحلوں کی جانب غیرقانونی طور پر سفر کرنے کی کوشش کر رہے تھے۔ ریسکیو کے بعد تمام تارکین وطن کو مزید قانونی کارروائی کے لئے ڈائریکٹوریٹ برائے انسدادِ غیرقانونی ہجرت کے حوالے کر دیا گیا ہے۔