وفاقی وزیر رانا تنویر حسین کی جسٹس سردار سرفراز ڈوگر کو چیف جسٹس اسلام آباد ہائی کورٹ بننے پر مبارکباد

منگل 8 جولائی 2025 20:19

اسلام آباد (اُردو پوائنٹ اخبارتازہ ترین - اے پی پی۔ 08 جولائی2025ء) وفاقی وزیر غذائی تحفظ و تحقیق رانا تنویر حسین نے جسٹس سردار سرفراز ڈوگر کو چیف جسٹس اسلام آباد ہائی کورٹ بننے پر مبارکباد پیش کی ہے ۔

(جاری ہے)

منگل کو یہاں ایک بیان میں انہوں نے کہا کہ سردار سرفراز ڈوگر کی تعیناتی عدلیہ کے وقار میں اضافے کا باعث بنے گی، سردار سرفراز ڈوگر کی چیف جسٹس اسلام آباد ہائی کورٹ تعیناتی خوش آئند ہے ۔ انہوں نے کہا کہ سردار سرفراز ڈوگر کی قانونی خدمات لائق تحسین ہیں ، انصاف کی فراہمی میں بہتری کے لئے نئی قیادت سے امیدیں وابستہ ہیں۔