آئی ایل ٹی 20 سیزن 4 میں اہم کھلاڑیوں کی واپسی

منگل 8 جولائی 2025 22:42

کراچی(اُردو پوائنٹ اخبارتازہ ترین - آن لائن۔ 08 جولائی2025ء)ٹی 20 سپر اسٹارز فل سالٹ، الیکس ہیلز، ہسارنگا، روومن پاول، سام کرن، لوکی فرگوسن، فضل حق فاروقی، ٹم ڈیوڈ اور سکندر رضا کی آئی ایل ٹی 20 سیزن 4 میں واپسی ہوگی۔اسکواڈ سلیکشن کا پہلا مرحلہ جاری ہے، فرنچائزز دوبارہ جوائن کرنے والوں کے ساتھ نئے پلیئرز کی مدد سے اسکواڈز کو مکمل کریں گی، آکشن کی تاریخ اور دیگر تفصیلات جلد منظرعام پر آئیں گی، نئے سیزن کی شروعات 2 دسمبر سے ہوگی۔

دوسری جانب، ڈیزرٹ وائپرز کے ڈائریکٹر آف کرکٹ ٹام موڈی نے کہا ہے کہ اگرچہ ابتدائی فہرست میں کسی پاکستانی کھلاڑی کو شامل نہیں کیا گیا تاہم وہ ٹیم کی وسیع تر حکمت عملی کا حصہ ضرور ہیں، سیزن چار میں پاکستانی کرکٹرز کی ٹیم میں شمولیت کے امکانات موجود ہیں۔

(جاری ہے)

انہوں نے کہا کہ نیلامی کے عمل میں ممکنہ طور پر متعدد پاکستانی کھلاڑی اپنا نام دیں گے اور ٹیم ان پر گہری نظر رکھے گی، ڈیزرٹ وائپرز کی انتظامیہ پاکستانی کرکٹرز کے ٹیلنٹ سے بخوبی واقف ہیں اور انھیں اسکواڈ کا حصہ بنانے کیلیے سنجیدہ ہیں۔

ڈائریکٹر ڈیزرٹ وائپرز کا کہنا تھا کہ اگر 2 یا 3 پاکستانی پلیئرز شامل کیے جا سکیں تو یہ ٹیم کے لیے بڑی خوش آئند بات ہوگی، وہ میدان کے اندر اور باہر مثبت اثر ڈال سکتے ہیں،ٹیم پاکستانی کھلاڑیوں کے ساتھ اپنے تعلقات کو قدر کی نگاہ سے دیکھتی ہے اور مستقبل میں ان کی شمولیت کے لیے پٴْرامید ہے۔

Facebook Twitter Google + Share on Whatsapp

آئی ایل ٹی 20 سیزن 4 میں اہم کھلاڑیوں کی واپسی

متعلقہ عنوان :

مزید کھیلوں کی خبریں