اولمپیئن ارشد ندیم کی بائیں پنڈلی کی سرجری کا فیصلہ

پاکستان کے اولمپک گوڈ میڈلسٹ کو اگلے ماہ سوئٹزرلینڈ میں شیڈول ڈائمنڈ لیگ میں شرکت کرنی ہے

ذیشان مہتاب بدھ 16 جولائی 2025 10:25

اولمپیئن ارشد ندیم کی بائیں پنڈلی کی سرجری کا فیصلہ

لندن (اردو پوائنٹ تازہ ترین اخبار ۔ 16 جولائی 2025ء ) اولمپیئن ارشد ندیم کی لندن میں بائیں پنڈلی کا چیک اپ ہوا جس کے بعد ان کی سرجری کرنے کا فیصلہ کیا گیا ہے۔

کیمبرج اسپتال کے ڈاکٹر علی باجوہ نے کہا ارشد کی بائیں پنڈلی کا معائنہ کیا ہے جس کے بعد ہم اس کی سرجری کریں گے، اس کے بعد ری ہیب کروائیں گے۔

(جاری ہے)

ایکسپریس نیوز کے مطابق ڈاکٹرز کا کہنا ہے مقابلے سے پہلے ارشد ندیم کا مکمل ری ہیب کرنا ہوگا، انشااللہ جلد دوبارہ پہلے کی طرح ایکشن میں دکھائی دیں گے، ارشد ندیم گزشتہ روز لندن پہنچے تھے۔

پنڈلی میں کھچاؤ کی وجہ سے انہیں پولینڈ میں اگلے ماہ شیڈول مقابلے سے دستبردار ہونا پڑا تھا، اب ان کا ہدف سوئٹزر لینڈ میں شیڈول ڈائمنڈ لیگ میں شرکت کرنا ہے جو اگست کے تیسرے ہفتے میں ہوگی۔ اس کے بعد تیرہ ستمبر سے ٹوکیو ورلڈ اتھلیٹکس چیمپین شپ میں وہ حصہ لیں گے۔