اکشے کمار کی سٹیڈیم میں موجودگی ایک بار پھر بھارتی ٹیم کی شکست کی وجہ بن گئی

شائقین کرکٹ بھارتی اداکار کی میدان میں موجودگی، بھارتی ٹیم کی شکست کی فہرست سامنے لے آئے جس میں بتایا گیا کہ اکشے کی موجودگی میں بھارتی ٹیم ہمیشہ شکست سے دوچار ہوئی

ذیشان مہتاب منگل 15 جولائی 2025 16:45

اکشے کمار کی سٹیڈیم میں موجودگی ایک بار پھر بھارتی ٹیم کی شکست کی وجہ ..

لندن (اُردو پوائنٹ اخبارتازہ ترین۔ 15 جولائی2025ء) لارڈز کے میدان میں بالی ووڈ اداکار اکشے کمار بھارتی ٹیم کو سپورٹ کرنے کے لیے میدان میں موجود تھے لیکن شبھمن گل الیون کو شکست ہوئی۔

شائقین کرکٹ بھارتی اداکار اکشے کمار کی میدان میں موجودگی اور بھارتی ٹیم کی شکست کی فہرست سامنے لے آئے جس میں بتایا گیا ہے کہ اکشے کی موجودگی میں بھارتی ٹیم ہمیشہ شکست سے دوچار ہوئی ہے۔

ٹی 20 ورلڈ کپ 2021ء میں پاکستان اور بھارت کی ٹیمیں آمنے سامنے تھیں یہاں بھی اکشے کمار کی موجودگی بھارتی ٹیم کی شکست کی وجہ بن گئی۔

(جاری ہے)

ورلڈ کپ 2023 کے ورلڈ کپ فائنل میں بھارت اور آسٹریلیا کی ٹیمیں مدمقابل آئیں، اکشے کمار میدان میں بھارتی ٹیم کی حوصلہ افزائی کے لیے موجود تھے۔

اکشے کی موجودگی کی وجہ سے بھارت ٹیم کینگروز کے ہاتھوں ورلڈ کپ فائنل ہار گئی ۔

اکشے کمار نے بھارت کے جتنے میچز میں شرکت کی بھارت نے وہ سبھی نہیں ہارے کچھ میچز جیتے بھی ہیں لیکن یہ شائقین کی جانب سے اکشے کی فہرست تیار کی گئی ہے جس میں ان کی موجودگی کو بھارت کی شکست سے جوڑا گیا ہے۔