Live Updates

سپرٹنڈنٹ انجنئیر گیپکو (ایس ای )نے مون سون بارشوں میں لائن سٹاف کے لیےسیفٹی الرٹ جاری کر دیا ،،

بدھ 9 جولائی 2025 11:44

سیالکوٹ (اُردو پوائنٹ اخبارتازہ ترین - اے پی پی۔ 09 جولائی2025ء) سپرنڈنٹ انجنئیر سردار جمشید خان نے کہا ہے کہ اج ضلع کے اکثر مقامات پر موسلا دھار بارش ہورہی ہے جسکی وجہ سے بجلی کی شکایات میں اضافہ ہو جائے گا۔ لہٰذا سپلائی کی بحالی کے دوران اپنی جان کی حفاظت کو یقینی بنائیں-ان خیالات کا اظہار انہوں نے بدھ کو سرکل آفس میں میڈیا سے گفتگو کرتے ہوئے کیا انہوں نے لائین سٹاف کے لیے سیفٹی الرٹ جاری کرتے ہوئے کہا کہ لائن پر بغیر پرمٹ اور تمام اطراف سےارتھ کیے بغیر بلکل کام نہ کریں۔

ٹرانسفارمر پلیٹ فارم پر پی ٹی ڈبلیو کے بغیر ھرگز کام نہ کریں۔کسی قسم کا دباؤ لئے بغیر کام کریں اورکوئی بھی خطرہ مول نہ لیں-انہوں نے کہا کہ تمام ترحفاظتی آلات کااستعمال اورسیفٹی قوانین پر عمل درآمدکو یقینی بنائیں،کام کرنےکی جگہ پر اپنی اور متعلقہ عملے کی موجودگی یقینی بنائیں۔

(جاری ہے)

بارش کے دوران کام مت کریں بارش کے بند ہونے کا انتظار کریں ۔

دوران طوفان درختوں کے نیچے خود بھی نہ کھڑے ہوں اور دوسروں کو بھی اس کی تلقین کریں۔انہوں نے گفتگو کرتے ہوئے کہا کہ دوران بارش یا طوفان فیڈر ٹرپ ہونے کی صورت میں فیڈر چلانے میں جلدی نہ کریں کوئی تار بھی ٹوٹی ہوئی ہو سکتی ہے ۔گیلے جوتے اور گیلے کپڑے ہونے کی صورت میں لائن پر کام سے پرہیز کریں۔انہوں نے مزید کہا کہ بارش کے موسم میں گیلا ڈی آپریٹنگ راڈ کبھی بھی استعمال مت کریں ،ایمرجنسی اور عام حالات میں لائن سپرینٹنڈنٹ پرمٹ کے بعد اپنی موجودگی میں لائن سٹاف سے کام کروائے تاکہ کوئی نا خوشگوار واقعہ پیش نہ آئے ۔