سابق صدرعارف علوی کیخلاف مقدمہ درج کرنے کی درخواست خارج

درخواست گزارنیشنل سائبر کرائم انویسٹی گیشن ایجنسی سے رجوع کرسکتا ہے،عدالت کی ہدایت

بدھ 9 جولائی 2025 12:18

سابق صدرعارف علوی کیخلاف مقدمہ درج کرنے کی درخواست خارج

لاہور(اُردو پوائنٹ اخبارتازہ ترین - این این آئی۔ 09 جولائی2025ء) سابق صدر مملکت عارف علوی کے خلاف مقدمہ درج کرنے کی درخواست خارج کر دی گئی۔لاہور کی مقامی عدالت کے ایڈیشنل سیشن جج نے محفوظ فیصلہ سنا دیا۔

(جاری ہے)

عدالت نے کہا کہ سوشل میڈیا سے متعلق حکومت نے این سی سی آئی اے ادارہ قائم کیا ہے، درخواست گزار نیشنل سائبر کرائم انویسٹی گیشن ایجنسی سے رجوع کر سکتا ہے، مقدمہ درج کرنے کی درخواست خارج کرتی ہے۔درخواست گزار کا کہنا ہے کہ سابق صدر نے گستاخانہ الفاظ کا استعمال کیا، ویڈیو سوشل میڈیا پر موجود ہے،عارف علوی کے خلاف پولیس کو درخواست دی لیکن مقدمہ درج نہیں کیا گیا۔واضح رہے کہ درخواست شہزادہ عدنان نے وکیل محمد مدثر چودھری کے ذریعے دائر کی تھی۔