سری لنکا نے بنگلادیش کیخلاف ون ڈے سیریز جیت لی

بدھ 9 جولائی 2025 18:54

پالی کیلے (اُردو پوائنٹ اخبارتازہ ترین - آن لائن۔ 09 جولائی2025ء)سری لنکا نے بنگلادیش کو تیسرے ون ڈے انٹرنیشنل میں 99 رنز سے شکست دیکر تین میچوں کی سیریز 1-2 سے جیت لی۔پالی کیلے میں کھیلے گئے تیسرے ون ڈے انٹرنیشنل میچ میں سری لنکا نے بنگلادیش کو 99 رنز کے بھاری مارجن سے شکست دے دی۔سری لنکا نے پہلے بیٹنگ کرتے ہوئے 7 وکٹوں کے نقصان پر 285 رنز بنائے۔

کشال مینڈس نے 124 رنز کی شاندار اننگز کھیلی جبکہ کپتان چارتھ اسالنکا نے 58 رنز اسکور کیے۔بنگلا دیش کی طرف سے تسکین احمد اور مہدی حسن میراز نے دو، تنظیم حسن، تنویر اسلام اور شمیم حسین نے ایک، ایک وکٹ حاصل کی۔ہدف کے تعاقب میں بنگلادیشی ٹیم 39.4 اوورز میں 186 رنز بناکر آو?ٹ ہوگئی، توحید ہردوئے 51 رنز کے ساتھ نمایاں رہے۔سری لنکا کے اسیتھا فرنینڈو اور دشمنتھا چمیرا نے تین، تین کھلاڑیوں کو پویلین کی راہ دکھائی، دونیتھ ویلالاگے اور ونندو ہاسارنگا نے دو، دو وکٹیں حاصل کیں۔

(جاری ہے)

ون ڈے سیریز کے پہلے میچ میں سری لنکا نے 77 رنز جبکہ دوسرے میچ میں بنگلادیش نے 16 رنز سے کامیابی حاصل کی تھی۔اس سے قبل سری لنکا نے بنگلادیش کو دو ٹیسٹ میچوں کی سیریز میں 0-1 سے شکست دی تھی۔ دونوں ٹیموں کے درمیان تین ٹی 20 میچز پر مشتمل سیریز کا پہلا میچ جمعرات 10 جولائی کو پالی کیلے میں کھیلا جائے گا۔

Facebook Twitter Google + Share on Whatsapp

سری لنکا نے بنگلادیش کیخلاف ون ڈے سیریز جیت لی

متعلقہ عنوان :

مزید کھیلوں کی خبریں