ہائر ایجوکیشن کمیشن کے چیئرپرسن کی تقرری کے لئے سرچ کمیٹی کا پہلا اجلاس

بدھ 9 جولائی 2025 19:40

اسلام آباد (اُردو پوائنٹ اخبارتازہ ترین - اے پی پی۔ 09 جولائی2025ء) وفاقی وزیر تعلیم و پیشہ وارانہ تربیت ڈاکٹر خالد مقبول صدیقی کی زیر صدارت ہائر ایجوکیشن کمیشن (ایچ ای سی) کے چیئرپرسن کی تقرری کے لئے سرچ کمیٹی کا پہلا اجلاس بدھ کو یہاں منعقد ہوا۔ اجلاس میں وزیر مملکت وجیہہ قمر، سیکرٹری تعلیم ندیم محبوب، دیوان یونیورسٹی اور آغا خان یونیورسٹی کے وائس چانسلرز نے شرکت کی۔

(جاری ہے)

اجلاس سے خطاب کرتے ہوئے ڈاکٹر خالد مقبول صدیقی نے کہا کہ ایچ ای سی چیئرپرسن کی تقرری کا عمل شفاف، میرٹ پر مبنی اور مؤثر انداز میں مکمل کیا جائے گا۔ انہوں نے زور دیا کہ اعلیٰ تعلیم کے معیار کو بہتر بنانے کے لئے میرٹ پر مبنی قیادت کا انتخاب نہایت اہم ہے۔وفاقی وزیر نے کہا کہ شفافیت، میرٹ اور بروقت فیصلے ہماری ترجیحات ہیں۔ انہوں نے مزید کہا کہ اس عمل کو غیر ضروری تاخیر کے بغیر مکمل کیا جائے گا۔سرچ کمیٹی کا اگلا اجلاس 16 جولائی 2025 کو منعقد ہوگا۔