آئیگا سوئیٹک اور بیلنڈا بینسک ومبلڈن اوپن ٹینس ویمنز سنگلز کے سیمی فائنل میں پہنچ گئیں

روس کی ٹینس کھلاڑی میرا اینڈریوا اور روس کی ہی ٹینس کھلاڑی لیوڈمیلا سمسونوا سنگلز مقابلوں کے کوارٹر فائنل رائونڈ میں ہارگئیں

جمعرات 10 جولائی 2025 12:10

لندن(اُردو پوائنٹ اخبارتازہ ترین - این این آئی۔ 10 جولائی2025ء)پولینڈ کی ٹینس سٹار، پانچ گرینڈ سلام ٹائٹلز کی فاتح اور میگا ایونٹ کی ایٹتھ سیڈڈ آئیگا سوئیٹک اور سوئٹزرلینڈ کی ٹینس سٹار بیلنڈا بینسک اپنی عمدہ کارکردگی کی بدولت ومبلڈن اوپن ٹینس ٹورنامنٹ میں ویمنز سنگلز مقابلوں کے سیمی فائنل میں پہنچ گئیں جبکہ روس کی ٹینس کھلاڑی میرا اینڈریوا اور روس کی ہی ٹینس کھلاڑی لیوڈمیلا سمسونوا خواتین کے سنگلز مقابلوں کے کوارٹر فائنل رائونڈ میں ہارکر میگا ایونٹ سے باہر ہوگئیں۔

سال کے تیسرے گرینڈ سلام ومبلڈن اوپن ٹینس کے دلچسپ مقابلے آل انگلینڈ لان ٹینس اور کروکٹ کلب کے گراس کورٹ پر شروع ہو چکے ہیں،جس میں شائقین ٹینس کو کانٹے دار مقابلے دیکھنے کو مل رہے ہیں۔

(جاری ہے)

خواتین کے سنگلز مقابلوں کے کوارٹر فائنل رائونڈ میچ میں پولینڈ کی ٹینس سٹار آئیگا سوئیٹک نے انتہائی شاندار کارکردگی کا مظاہرہ کرتے ہوئے حریف روسی ٹینس کھلاڑی لیوڈمیلا سمسونوا کو سٹریٹ سیٹس میں 2-6 اور 5-7 سے شکست دے کر سیمی فائنل رائونڈ کے لئے کوالیفائی کیا۔ایک اور میچ میں 28 سالہ سوئٹزرلینڈ کی ٹینس سٹار بیلنڈا بینسک نے عمدہ کھیل پیش کرتے ہوئے حریف روس کی ٹینس کھلاڑی میرا اینڈریوا کو ٹائی بریک پر 6-7(3-7) اور 6-7(2-7)سے شکست دے کر سیمی فائنل رائونڈ کے لئے کوالیفائی کیا۔