روسی صدر ولادیمیر پیوٹن نے نائب وزیر خارجہ میخائل بوگدانوف کو بھی برطرف کردیا

جمعرات 10 جولائی 2025 12:25

ماسکو(اُردو پوائنٹ اخبارتازہ ترین - این این آئی۔ 10 جولائی2025ء)روسی صدر ولادیمیر پیوٹن نے نائب وزیر خارجہ میخائل بوگدانوف کو ان کے عہدے سے برطرف کر دیا، ساتھ ہی انہیں مشرق وسطی اور افریقہ کے لیے صدر کے خصوصی مندوب کے منصب سے بھی سبکدوش کر دیا گیا۔

(جاری ہے)

میڈیارپورٹس کے مطابق میخائل بوگدانوف گزشتہ ایک دہائی سے زائد عرصے سے دونوں عہدوں پر فائز تھے اور روس کی مشرق وسطی اور افریقہ سے متعلق سفارتی حکمت عملی میں کلیدی کردار ادا کر رہے تھے۔

وہ او آئی سی سمیت بین الاقوامی اسلامی تنظیموں سیمتعلق امور بھی دیکھتے تھے۔ میخائل بوگدانوف شام، لیبیا اور خطے کے دیگر ممالک میں روس کے سفارتی مشن کی قیادت کرتے رہے ہیں۔73 برس کیبوگدانوف 1974 سے سفارتی خدمات انجام دے رہے تھے۔ انہیں سن 2011 میں وزارت خارجہ کا نائب سربراہ اور سن 2014 میں صدر کا خصوصی مندوب مقررکیا گیا تھا۔