ثروت گیلانی کی فیروز خان پر تنقید، مداح ناراض

جمعرات 10 جولائی 2025 19:05

کراچی (اُردو پوائنٹ اخبارتازہ ترین - این این آئی۔ 10 جولائی2025ء)اداکارہ ثروت گیلانی نے اداکار فیروز خان کے ڈراموں میں کرداروں اور سکرپٹ کے انتخاب پر کی گئی تنقید نے سوشل میڈیا پر نیا تنازع کھڑا کر دیا ۔پوڈکاسٹ میں بات کرتے ہوئے ثروت گیلانی نے کہا کہ فیروز خان کے تمام ڈراموں میں یا تو وہ کسی لڑکی کو مارتا ہے، یا چیخ رہا ہوتا ہے اور آخر میں وہی لڑکی اس سے محبت کرنے لگتی ہے، یہ سب کچھ ہم خوشی سے دیکھتے ہیں، مگر جب شرمین عبید چنائے اسی معاشرے کی حقیقت دکھاتی ہیں تو لوگوں کو تکلیف ہوتی ہے۔

(جاری ہے)

انہوں نے کہا کہ میں، شرمین اور میرا سیٹھی ہم تین لوگ آخری وقت تک کھڑے رہے تھے جب فیروز خان نے ہمارا ذاتی ڈیٹا لیک کیا تھا۔فیروز خان کے مداحوں کی جانب سے اداکارہ پر شدید تنقید کی جارہی ہے، کئی صارفین نے ثروت کو متعصب قرار دیا اور سوال اٹھایا کہ دانش تیمور کے ڈراموں میں بھی ایسا ہوتا ہے، ان کا ذکر کیوں نہیں کیا کوئی بھی اداکارہ مشہور ہونے کے لیے فیروز خان کے خلاف بولتی ہے، اداکار کو کیوں نشانہ بنایا اسکرپٹ رائٹرز اور پروڈیوسرز کو کیوں نہیں کچھ کہا کیا یہ خاتون ڈراموں کے انجام سے بھی واقف ہیں خانی، گل رانا اور عشقیا سب کا اختتام اداس تھا۔کچھ صارفین نے حد سے تجاوز کرتے ہوئے ثروت کی ذاتی زندگی کو نشانہ بنایا۔

Facebook Twitter Google + Share on Whatsapp

ثروت گیلانی کی فیروز خان پر تنقید، مداح ناراض

متعلقہ عنوان :

مزید فن و فنکار کی خبریں