ذوہیب حسن کا حکومت سے حمیرا اصغر کو ستارہ امتیاز دینے کا مطالبۃ

پیر 14 جولائی 2025 23:14

کراچی (اُردو پوائنٹ اخبارتازہ ترین - این این آئی۔ 14 جولائی2025ء)ماضی کے معروف گلوکار اور نازیہ حسن کے بھائی ذوہیب حسن نے اداکارہ حمیرا اصغر علی کی المناک موت پر شدید دکھ کا اظہار کرتے ہوئے حکومتِ پاکستان سے مطالبہ کیا ہے کہ مرحومہ کو ستارہ امتیاز سے نوازا جائے۔

(جاری ہے)

انسٹاگرام پوسٹ میں ذوہیب حسن نے کہا کہ حمیرا کی خدمات کا اعتراف کرتے ہوئے اگر انہیں یہ اعزاز دیا جائے تو ان کے اہل خانہ کو یہ یقین دلایا جا سکے گا کہ ان کی بیٹی کی محنت اور جدوجہد بے معنی نہیں تھی۔

انہوں نے کہاکہ بطور خاتون، شوبز جیسی مشکل دنیا میں خود کو منوانا آسان نہیں اور حمیرا نے یہ راہ نہایت ہمت اور حوصلے سے طے کی۔ذوہیب حسن نے اٴْن تمام خواتین کو بھی خراجِ تحسین پیش کیا جو مردانہ غلبے والے معاشرے میں اپنے خوابوں کی تعبیر کے لیے بہادری سے زندگی گزارتی ہیں۔انہوں نے کہا کہ شوبز انڈسٹری میں کئی خواتین آتی ہیں، کچھ کامیاب ہوتی ہیں، لیکن وقت گزرنے کے ساتھ بہت سی گمنامی کی نذر ہو جاتی ہیں۔