وزیراعلیٰ راشن کارڈ کا دائرہ کارستھرا پنجاب کے ورکرزتک وسیع کرنے کا فیصلہ

جمعہ 11 جولائی 2025 13:44

لاہور (اُردو پوائنٹ اخبارتازہ ترین - این این آئی۔ 11 جولائی2025ء) حکومت نے وزیراعلیٰ راشن کارڈ کا دائرہ کار ستھرا پنجاب کے ورکرز تک وسیع کرنے کا فیصلہ کر لیا۔وزیربلدیات ذیشان رفیق کی زیرصدارت سول سیکرٹریٹ میں اجلاس منعقد ہوا،اجلاس میں سیکرٹری بلدیات شکیل احمد میاں اور ایڈیشنل سیکرٹری احمر کیفی ،ویسٹ مینجمنٹ کمپنیوں کے سی ای اوز بھی بذریعہ ویڈیو لنک شریک ہو ئے۔

(جاری ہے)

صوبائی وزیر کا ورکرز کی بہتری کے لئے اقدامات جاری رکھنے کا عزم کیا۔ وزیر بلدیات ذیشان رفیق کا کہنا تھا کہ وزیراعلی مریم نواز نے ورکرز کی فلاح کے لئے میکانزم بنانے کا حکم دیا ، سی ای اوز طریقہ کار کے تعین کے لئے اہل ورکرز کی فہرستیں بھجوائیں،راشن کارڈکی سہولت صرف اہلیت پوری کر نے والے ورکرز کو ملے گی۔وزیربلدیات کی مئی کے مہینے سے حاضری کا ریکارڈ مرتب کرنے کی ہدایت کر دی۔ شکیل احمد کا کہنا تھا کہ ورکرزکی فہرستیں مکمل ہوتے ہی راشن کارڈ کا اجراء کر دیا جائے گا ۔