کارڈیک انسٹی ٹیوشننز کی ٹیچنگ فیکلٹی کی جانب سے لیول 3 ،لیول 4 کی پی جی ٹریننگ میں حصہ نہ لینے کا نوٹس

جمعہ 11 جولائی 2025 14:30

لاہور (اُردو پوائنٹ اخبارتازہ ترین - این این آئی۔ 11 جولائی2025ء)سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن عظمت محمود خان نے کارڈیک انسٹی ٹیوشننز کی ٹیچنگ فیکلٹی کی جانب سے لیول 3 اور لیول 4 کی پی جی ٹریننگ میں حصہ نہ لینے کا نوٹس لے لیا۔ریکارڈ کے مطابق کارڈیک انسٹی ٹیوشننز کی 67 فیصد ٹیچنگ فیکلٹی لیول 3 اور لیول 4 کی PG ٹریننگ نہیں کروا رہی۔

اس حوالے سے محکمہ سپیشلائزڈہیلتھ کئیراینڈمیڈیکل ایجوکیشن میں اہم اجلاس منعقد ہوا۔

(جاری ہے)

اجلاس میں وائس چانسلر فاطمہ جناح میڈیکل یونیورسٹی و صدر سی پی ایس پی پروفیسر خالدمسعودگوندل اور وائس چانسلر یونیورسٹی آف ہیلتھ سائنسزپروفیسر احسن وحید راٹھورنے شرکت کی۔اجلاس کے دوران کارڈیک انسٹی ٹیوشننز کی پروفیسر سے اسسٹنٹ پروفیسر تک ٹیچنگ فیکلٹی کو اپنی سپروائزری کی رجسٹریشن کیلئے فوری طورپر یونیورسٹی آف ہیلتھ سائنسزسے رابطہ کرنے کی ہدایت کی گئی۔ٹیچنگ فیکلٹی کی جانب سے لیول 3 اور لیول 4 کی PG ٹریننگ میں حصہ لینا ترقی کیلئے لازمی جزو قرار دیا گیا ہے۔