مون سون سیزن میں پبلک ٹرانسپورٹ بحال رکھنے کیلئے متعلقہ افسران کو فیلڈ میں رہنے کی ہدایت

جمعہ 11 جولائی 2025 17:40

لاہور (اُردو پوائنٹ اخبارتازہ ترین - این این آئی۔ 11 جولائی2025ء)مون سون سیزن میں پبلک ٹرانسپورٹ بحال رکھنے کیلئے محکمہ ٹرانسپورٹ اینڈ ماس ٹرانزٹ کے متعلقہ افسران کو فیلڈ میں رہنے کی ہدایت کی گئی ہے۔

(جاری ہے)

اس سلسلہ میں وزیر ٹرانسپورٹ اینڈ ماس ٹرانزٹ بلال اکبر خان نے بارشوں میں پبلک ٹرانسپورٹ بحال رکھنے کیلئے ضروری اقدامات کرنے کی ہدایات کرتے ہوئے تمام اضلاع کے متعلقہ افسران کو فیلڈ میںرہنے اور میٹروز اور اوورنج لائن ٹرین کی بلا تعطل سروس فراہمی یقینی بنانے کی بھی ہدایت کی۔

ان کا کہنا تھا کہ شدید بارشوں میں نجی سواری کے بجائے پبلک ٹرانسپورٹ سفر کیلئے بہترین آپشن ہوتا ہے۔ اس لئے لوگوں کو چاہئے کہ خراب موسم میں پبلک ٹرانسپورٹ کو ترجیح دیں۔ ان کا مزید کہنا تھا کہ ہماری ہر ممکن کوشش ہے کہ مسافروں کو کسی بھی پریشانی کا سامنا نہ کرنا پڑے۔