خانہ کعبہ کو غسل دینے کے لیے25 سال سے مخصوص سیڑھی کا استعمال ، مکمل اور جدید پاور پلانٹ کہا جائے تو غلط نہ ہوگا،رپورٹ

ہفتہ 12 جولائی 2025 09:40

ریاض (اُردو پوائنٹ اخبارتازہ ترین - اے پی پی۔ 12 جولائی2025ء) دنیا کے مقدس ترین مقام خانہ کعبہ کو سالانہ بنیاد پر غسل دینے کے لیے25 سال سے مخصوص سیڑھی استعمال کی جاتی ہے ،یہ سیڑھی محض خانہ کعبہ کے اندر جانے کے لیے ہی استعمال نہیں ہوتی بلکہ اسے اگر مکمل اور جدید پاور پلانٹ کہا جائے تو غلط نہ ہوگا۔

(جاری ہے)

سعودی خبررساں ادارے (ایس پی اے )کے مطابق ادارہ برائے امورالحرمین نے یہ سیڑھی سال 2000 ہزار میں تیار کرائی جس کے نیچے 24 بیٹریاں نصب ہیں جن کے ذریعے اسے چلایا اور آپریٹ کیا جاتا ہے۔

سیڑھی کی تیاری میں اعلیٰ کوالٹی کی ٹیک لکڑی استعمال کی گئی جس کی لمبائی 5 میٹر65 سینٹی میٹر، اونچائی 4 میٹر 80 سینٹی اورچوڑائی ایک میٹر 88 سینٹی ہے، اس کا مجموعی وزن 6500 کلو گرام ہے۔اس سیڑھی کے اوپر خانہ کعبہ کے اندرونی حصے کو روشن کرنے کےلیے ایک پلیٹ فارم ہے جبکہ ایئرکنڈیشنگ یونٹ بھی اس میں موجود ہے۔علاوہ ازیں اس میں تین واٹر ٹینک بھی ہیں جن میں سے ایک خانہ کعبہ کو غسل دینے کےلیے استعمال ہونے والے پانی اور دوسرا اس پانی کو جع کرنے کےلیے ہے۔