خیبر پختونخوا میں ممکنہ سیاسی تبدیلی ، فیصل کنڈی،امیر مقام اور پرویز خٹک کی مشاورت

گورنر ہاﺅس خیبر پختونخوا میں بھی صوبائی اپوزیشن کے ارکان اسمبلی کی جلد بڑی بیٹھک کا فیصلہ، صوبائی اپوزیشن قیادت نے سینیٹ انتخابات بھی مل کر لڑنے کا اصولی فیصلہ کرلیا

میاں محمد ندیم پیر 14 جولائی 2025 15:12

خیبر پختونخوا میں ممکنہ سیاسی تبدیلی ، فیصل کنڈی،امیر مقام اور پرویز ..

پشاور(اردوپوائنٹ اخبارتازہ ترین-انٹرنیشنل پریس ایجنسی۔14 جولائی ۔2025 )خیبر پختونخوا میں ممکنہ سیاسی تبدیلی کےلئے اپوزیشن کی مشاورت حتمی مرحلے میں داخل ہوگئی رپورٹ کے مطابق گورنر کے پی فیصل کریم کنڈی، رہنما مسلم لیگ ن امیر مقام اور سابق وزیراعلی پرویز خٹک کے درمیان غیر رسمی سیاسی مشاورت ہوئی.

(جاری ہے)

ذرائع کے مطابق اس مشاورت میں جمعیت علمائے اسلام کے سربراہ مولانا فضل الرحمان بھی شامل ہوئے، ملاقات پرویز خٹک کی رہائش گاہ پر انکی ہمشیرہ کے انتقال پر تعزیت کے بعد ہوئی اس سلسلے میں گورنر ہاﺅس خیبر پختونخوا میں بھی صوبائی اپوزیشن کے ارکان اسمبلی کی جلد بڑی بیٹھک کا فیصلہ کیا گیا ہے. ملاقات کے دوران صوبائی اپوزیشن قیادت نے سینیٹ انتخابات بھی مل کر لڑنے کا اصولی فیصلہ کر لیا ہے دوسری جانب مولانا فضل الرحمان سے گورنر خیبرپختونخوا فیصل کریم کنڈی کی ملاقات ہوئی ہے، ملاقات میں صوبے کی سیاسی صورتحال پر مشاورت کی گئی ملاقات میں وزیر اعظم کی جانب سے بنائی گئی کمیٹی کے حوالے سے قبائلی عوام کے تحفظات پر بھی تبادلہ خیال کیاگیا.