ایبٹ آباد،ایس ایس پی ٹریفک قمر حیات خان کی زیر نگرانی ٹریفک پولیس افسران کے اجلاس کاانعقاد

پیر 14 جولائی 2025 17:28

ایبٹ آباد (اُردو پوائنٹ اخبارتازہ ترین - اے پی پی۔ 14 جولائی2025ء) ایس ایس پی ٹریفک ایبٹ آباد قمر حیات خان کی زیر نگرانی ٹریفک پولیس افسران کااجلاس منعقدہوا۔اجلاس میں سرکلز ڈی ایس پیز، انسپکٹرز اور سٹاف نے شرکت کی۔ میٹنگ میں مختلف ٹریفک امور اور مسائل پر تبادلہ خیال کیا گیا۔اجلاس میں ٹریفک افسران کی جانب سے ٹریفک مسائل ختم کرنے کے حوالے سے مختلف تجاویزدی گئیں۔

اس موقع پر ایس ایس پی ٹریفک نے مختلف ہدایات جاری کیں کہ منڈیاں روڈ پر اڈوں سے باہر چلنے والی سوزوکیوں کے خلاف خصوصی مہم شروع کی جائے جس میں سوزوکیوں کے روٹ پرمٹ کی چیکنگ کی جائے اور بنا روٹ پرمٹ والی سوزوکیوں کو پرمٹ لگوانے کی خاطر بند کیا جائے۔بغیر رجسٹریشن موٹر سائیکلوں کے خلاف محکمہ ایکسائز کو ہمراہ رکھ کر دوبارہ سے کارروائیوں کا آغاز کیا جائے۔

(جاری ہے)

منڈیاں روڈ پر غلط پک اینڈ ڈراپ کرنے والی سوزوکیوں اور دوسری پبلک ٹرانسپورٹ گاڑیوں کے خلاف کارروائی کی جائے۔فوارہ چوک تا کالا پل سڑک پر ریڑی لگانے والوں کو پہلے مرحلے میں نوٹس جاری کیے گئے تھے اب ان تمام کے خلاف بھرپور کارروائیاں کریں۔تمام سرکل ڈی ایس پیز اپنے سرکلز میں ہفتہ وار سپیشل ناکہ بندی کریں گئیں جہاں ہر قسم کی ٹریفک قوانین کی خلاف ورزی کے خلاف کارروائیاں عمل میں لائیں۔متعلقہ محکمہ جات کو ہمراہ رکھ کر سڑک پر تجاوزات کے خلاف کارروائیاں کریں۔تمام سرکل ڈی ایس پیز اس بات کے ذمہ دار ہوں گے کہ ان کے سرکل میں تعینات تمام افسران اور جوانوں کا ٹرن آئوٹ بہترین ہو اور تمام نفری کا رویہ عوام کے ساتھ اچھا ہو۔