Live Updates

راولپنڈی میں رین ایمرجنسی نافذ، واسا عملے کی تمام چھٹیاں منسوخ

پیر 14 جولائی 2025 20:35

راولپنڈی (اُردو پوائنٹ اخبارتازہ ترین - این این آئی۔ 14 جولائی2025ء)محکمہ موسمیات کی راولپنڈی میں شدید بارشوں کی پیش گوئی کے پیش نظر واسا عملے کی تمام چھٹیاں منسوخ کردی گئی۔محکمہ موسمیات کے مطابق 15جولائی سے 31اگست تک راولپنڈی میں سیلابی صورتحال کا خدشہ ہے۔

(جاری ہے)

کمشنر راولپنڈی عامر خٹک نے واسا کو ہائی الرٹ رہنے کی ہدایت کردی۔کمشنر راولپنڈی نے متعلقہ حکام کو ہدایت کی ہے کہ دوران بارش نشیبی علاقوں سے پانی کا فوری اخراج یقینی بنایاجائے، نالہ لئی کی ڈیجیٹل مانیٹرنگ،عوام کوبروقت آگہی فراہم کی جارہی ہے۔سیلابی صورتحال سے نمٹنے کیلئے مشق بھی کی گئی،راولپنڈی میں7فلڈریلیف کیمپ قائم کردیے گئے۔