باغ پولیس نے کارروائی کرکے فیک آئی ڈیز بنا کر لڑکیوں کو بلیک میل کرنے والا ملزم گرفتار کرلیا

منگل 15 جولائی 2025 21:54

باغ (اُردو پوائنٹ اخبارتازہ ترین - اے پی پی۔ 15 جولائی2025ء) باغ پولیس نے کارروائی کرکے فیک آئی ڈیز بنا کر لڑکیوں کو بلیک میل کرنے والا ملزم گرفتار کرلیا۔ ایس ایچ او تھانہ سٹی باغ رفاقت الیاس عباسی نے کارروائی کرتے ہوئے ملزم عبدالقادر ولد عبدالقدیر خان سکنہ ڈھل قاضیاں باغ کو ٹریس کرتے ہوئے گرفتار کر لیا۔

(جاری ہے)

ملزم معصوم اور کشمیری شہزادی کے نام سے فیک آئی ڈیز بنا کر مختلف لڑکیوں کو بلیک میل کرتا رہا ہے،اس کے علاوہ لوگوں کی فیس بک آئی ڈیز کو ہیک کر کے بھی بلیک میل کرتا تھا۔

عوام الناس کو آگاہ کیا جاتا ہے کہ اپنے سوشل میڈیا اکاؤنٹس کو انتہائی محتاط انداز میں استعمال کریں کسی بھی قسم کی مذہبی منافرت،اداروں / معتبر شخصیات کی تضحیک یا بلیک میلنگ کی صورت میں قانونی کارروائی عمل میں لائی جا سکتی ہے۔اپنے ارد گرد ایسے اوباش صفت لڑکوں پر نظر رکھیں اور ایسی سرگرمیوں میں ملوث افراد کی نشاندہی کریں۔\378