ملتان، ضلعی انتظامیہ نے تعلیمی سہولیات کی بہتری کیلئے خصوصی فنڈز و سکیموں کا آغاز کر دیا ہے، ڈپٹی کمشنر وسیم حامد سندھو

منگل 15 جولائی 2025 19:20

ملتان (اُردو پوائنٹ اخبارتازہ ترین - اے پی پی۔ 15 جولائی2025ء) وزیر اعلیٰ پنجاب مریم نواز شریف کی ہدایت پر سپیشل بچوں کی کفالت اور بہترین تعلیمی سہولیات فراہم کرنے کیلئے ضلعی انتظامیہ نے خصوصی فنڈز اور سکیموں کا آغاز کردیا ہے۔

(جاری ہے)

اس سلسلے میں ڈپٹی کمشنر وسیم حامد سندھو نے گزشتہ روز شاداب سپیشل ایجوکیشن انسٹیٹیوٹ کا دورہ کیا اور بچوں کو فراہم سہولیات اور تعلیمی نظام کا جائزہ لیا۔انہوں نے ہدایت کی کہ گرمیوں کی چھٹیوں کے دوران انسٹیٹیوٹ کی بلڈنگ کو فوری اپ گریڈ کیا جائے اور کلاس رومز میں مزید سہولتیں فراہم کی جائیں۔وسیم حامد سندھو نے کہا کہ سپیشل بچوں کو معاشرے کا کار آمد شہری بنانے کیلئے ریاست ہرممکن اقدامات کرے گی۔