سی پی او فیصل آباد کی تھانہ منصور آباد میں کھلی کچہری، سائلین کے مسائل سنے اور موقع پر داد رسی کے احکامات جاری کئے

منگل 15 جولائی 2025 21:40

فیصل آباد (اُردو پوائنٹ اخبارتازہ ترین - اے پی پی۔ 15 جولائی2025ء) سی پی او فیصل آباد کی تھانہ منصور آباد میں کھلی کچہری، سائلین کے مسائل سنے اور موقع پر داد رسی کے احکامات جاری کئے۔ تفصیلات کے مطابق سٹی پولیس آفیسر ڈی آئی جی صاحبزادہ بلال عمر نے تھانہ منصورہ آباد میں کھلی کچہری منعقد کی ۔اس موقع پر ایس پی مدینہ ڈویژن ،ڈی ایس پی سرگودھا روڈ،ایس ایچ او منصورہ آباد اور دیگرافسران بھی موجود تھے۔

(جاری ہے)

سٹی پولیس آفیسر صاحبزادہ بلال عمر نے کھلی کچری میں سائلین کی درخواستوں اور شکایات کو بغور سنا اور موقعہ پر ہی متعلقہ افسران کو داد رسی کے احکامات جاری کیے۔ اس موقع پر انہوں نے کہا کہ وزیر اعلیٰ پنجاب اور آئی جی پنجاب کی ہدایت پر شہریوں کوانصاف کی فرا ہمی کے لئے کھلی کچہریوں کا انعقاد کیا جا رہا ہے ۔تمام درخواستوں میں انصاف کی فراہمی کا عمل منصفانہ طور پر یقینی بنایا جائیگا اور متعلقہ افسران کو حکم دیا کہ میرٹ پر انکی شکایات کو حل کیا جائے۔

شہریوں کو انصاف فراہم کرنے کے لیے تھانوں میں کھلی کچہریوں کا انعقاد کیا جارہاہے۔کھلی کچہری کا مقصد پولیس اور شہریوں کے درمیان روابط کو مزید بہتر بنانا اور فاصلے کم کرنا ہےشہریوں کے جان ومال کا تحفظ اور انصاف کی فراہمی اولین ترجیح ہے۔