تورغر ،شاہ ڈگ بازارمیں فائرنگ سے ایک شخص جاں بحق ایک زخمی،ملزمان فرار

جمعرات 17 جولائی 2025 14:17

تورغر (اُردو پوائنٹ اخبارتازہ ترین - اے پی پی۔ 17 جولائی2025ء) شاھ ڈگ بازار میں فائرنگ کا افسوسناک واقعہ پیش آیا جس میں ایک شخص جاں بحق، ایک زخمی ہو گیا۔واقعہ رات کو پیش آیا – ابتدائی اطلاعات کے مطابق تحصیل جدباء کے علاقے شاھڈگ بازار میں رات کوفائرنگ کا افسوسناک واقعہ پیش آیا۔ اطلاعات کے مطابق دو نامعلوم افراد، جنہوں نے اپنے چہرے چھپائے ہوئے تھے، بازار سے گزر رہے تھے۔

بازار میں موجود مقامی بچوں نے ان افراد سے سوال کیا کہ وہ کہاں جا رہے ہیں۔

(جاری ہے)

نامعلوم افراد نے خود کو کنڈرو کے رہائشی ظاہر کیا، تاہم بچوں نے ان کی شناخت سے انکار کرتے ہوئے کہا: "ہم یہاں ایک دوسرے کو جانتے ہیں، آپ کنڈرو کے نہیں لگتے۔" اس پر دونوں افراد نے اچانک اندھا دھند فائرنگ شروع کر دی۔فائرنگ کی زد میں آ کر ڈیرکو سے تعلق رکھنے والے مختیار موقع پر ہی جاں بحق ہو گئے، جبکہ صابرین مرحوم کا بیٹا اسامہ شاھڈگ شدید زخمی ہو گیا۔ زخمی کو فوری طور پر تشویشناک حالت میں بٹگرام اسپتال منتقل کر دیا گیا ہے۔واقعے کے بعد علاقے میں خوف و ہراس پھیل گیا۔ پولیس اور انتظامیہ جائے وقوعہ پر پہنچ کر تحقیقات شروع کر چکی ہے۔\378