وائٹیلٹی بلاسٹ ٹی -20 ٹورنامنٹ میں( جمعہ کو)مزید 8 میچوں کا فیصلہ ہوگا

جمعرات 17 جولائی 2025 17:22

لندن (اُردو پوائنٹ اخبارتازہ ترین - اے پی پی۔ 17 جولائی2025ء) انگلینڈ اینڈ ویلز کرکٹ بورڈ کے زیر اہتمام رواں برس جاری وائٹیلٹی ٹی 20 کرکٹ ٹورنامنٹ میں کل (جمعہ کو)مزید 8 میچ کھیلے جائیں گے۔ پہلا میچ سسیکس اور سرے کی ٹیموں کے درمیان کاؤنٹی گراؤنڈ، ہووکے مقام پر کھیلا جائے گا،دوسرے میچ میں سمر سیٹ اور گلوسٹر شائر کی ٹیمیں کوپر ایسوسی ایٹس کاؤنٹی گراؤنڈ، ٹائونٹن میں آمنے سامنے ہوں گی،تیسرا میچ ناٹنگھم شائر اور لنکا شائر کی ٹیموں کے درمیان ٹرینٹ برج،ناٹنگھم میں کھیلا جائے گا،چوتھے میچ میں لیسٹر شائر اور یارکشائر کی ٹیمیں گریس روڈ،لیسٹر کے مقام پر نبرد آزما ہوں گی،پانچویں میچ میں کینٹ اور ایسیکس کی ٹیمیں سینٹ لارنس گراؤنڈ، کینٹربری کے مقام پر پنجہ آزمائی کریں گی ، چھٹا میچ گلیمورگن اور مڈل سیکس کی ٹیموں کے درمیان صوفیہ گارڈنز، کارڈف میں کھیلا جائے گا ،ساتواں میچ ڈرہم اور نارتھمپٹن شائرکی ٹیموں کے درمیان ریور سائیڈ گراؤنڈ، چیسٹر لی سٹریٹ میں کھیلا جائے گاجبکہ کل جمعہ کا آٹھواں اور آخری میچ ڈربی شائر اور واروک شائرکی ٹیموں کے درمیان کائونٹی گرائونڈ، ڈربی میں کھیلا جائے گا۔

(جاری ہے)

ٹورنامنٹ کے لیگ میچز 18جولائی کو ختم ہوں گے۔ ٹورنامنٹ کا کوارٹر فائنل مرحلہ 3ستمبر سے شروع ہوگا جبکہ دونوں سیمی فائنلز اور فائنل میچ 13ستمبر کو کھیلے جائیں گے ۔ گلوسٹر شائرکی ٹیم ایونٹ میں اپنے اعزاز کے دفاع کے لئے کوشاں ہے۔\932

Facebook Twitter Google + Share on Whatsapp

وائٹیلٹی بلاسٹ ٹی -20 ٹورنامنٹ میں( جمعہ کو)مزید 8 میچوں کا فیصلہ ہوگا

متعلقہ عنوان :

مزید کھیلوں کی خبریں