اسکاٹ بولینڈ 100 برس کے بہترین بولر مگر سب سے بدقسمت کرکٹر بن گئے

ویسٹ انڈیز سے سیریز کے تیسرے ٹیسٹ میں بولینڈ نے ہیٹ ٹرک کا کارنامہ انجام دیا

جمعرات 17 جولائی 2025 20:36

اسکاٹ بولینڈ 100 برس کے بہترین بولر مگر سب سے بدقسمت کرکٹر بن گئے

سڈنی (اُردو پوائنٹ اخبارتازہ ترین - این این آئی۔ 17 جولائی2025ء)آسٹریلوی فاسٹ بولر اسکاٹ بولینڈ نے ویسٹ انڈیز کے خلاف حالیہ سیریز میں تہلکہ مچانے والی پرفارمنس کے ساتھ یہ ثابت کر دیا ہے کہ وہ بہترین اوسط کی وجہ سے پچھلے 100 برسوں میں ٹیسٹ کرکٹ کے سب سے بہترین بولر ہیں۔میڈیارپورٹ کے مطابق اسکاٹ بولینڈ اپنی شاندار کارکردگی کے باوجود ایک بدقسمت کھلاڑی بھی رہے ہیں۔

(جاری ہے)

ویسٹ انڈیز سے سیریز کے تیسرے ٹیسٹ میں بولینڈ نے ہیٹ ٹرک کا کارنامہ انجام دیا، وہ یہ کارنامہ انجام دینے والے دسویں آسٹریلوی بولر بنے، بولینڈ کا ٹیسٹ بولنگ اوسط 16.53 ہے، جو کم از کم 50 وکٹیں لینے والے بولرز میں سے چھٹا بہترین ہے۔ 1915 سے اب تک کسی بھی بولر کا اوسط اتنا مضبوط نہیں رہا۔اس کے ساتھ یہ بھی ایک حقیقت ہے کہ وہ اب تک محض 14 ٹیسٹ میچز ہی کھیل پائے ہیں، انھیں آسٹریلیا کے مضبوط اور مستقل اٹیک میں شامل کسی بولر کے انجرڈ یا عدم دستیابی پر موقع ملتا ہے۔ویسٹ انڈیز میں بہترین کارکردگی کے باوجود یہ بات یقین سے نہیں کہی جا سکتی کہ انھیں اپنے ملک میں ایشز سیریز کھیلنے کا موقع ملتا ہے یا نہیں۔