حارث رؤف مکمل فٹ ہوگئے، ویسٹ انڈیز سیریز کیلئے تیار

پیسر نے ہیمسٹرنگ انجری سے مکمل صحت یاب ہونے کے بعد باقاعدہ بولنگ کا آغاز کردیا

ذیشان مہتاب جمعہ 18 جولائی 2025 11:48

حارث رؤف مکمل فٹ ہوگئے، ویسٹ انڈیز سیریز کیلئے تیار

لاہور (اردو پوائنٹ تازہ ترین اخبار ۔ 18 جولائی 2025ء ) پاکستانی فاسٹ بالر حارث رؤف نے ہیمسٹرنگ انجری سے مکمل صحت یاب ہونے کے بعد باقاعدہ بولنگ کا آغاز کردیا ہے۔

لاہور میں نیشنل کرکٹ اکیڈمی میں جاری اپنی تربیت کے دوران حارث رؤف نے دس دن کے آرام کے بعد دوبارہ کرکٹ بال کو رن اپ سے روانہ کرنا شروع کر دیا ہے۔

یاد رہے کہ امریکی میجر لیگ کرکٹ کے دوران ہونے والی اس انجری کی وجہ سے حارث رؤف کو ٹورنامنٹ کے باقی میچز سے باہر ہونا پڑا تھا، جس کے بعد انہیں بنگلہ دیش کے خلاف ہوم سیریز سے بھی محروم رہنا پڑا۔

(جاری ہے)

تاہم خاص طور پر آنے والی ویسٹ انڈیز سیریز سے قبل ان کی فٹنس بحالی کی خبریں پاکستانی کرکٹ ٹیم کے لیے خوش آئند ہیں۔

حارث رؤف کی واپسی سے پاکستانی بولنگ اٹیک کو تقویت ملے گی، جو حالیہ دور میں انجریوں کی وجہ سے مشکلات کا شکار رہا ہے۔

نیشنل کرکٹ اکیڈمی کے کوچز اور طبی عملے کی نگرانی میں ان کی بحالی کے مراحل کو احتیاط سے مکمل کیا جا رہا ہے تاکہ وہ مکمل فٹنس کے ساتھ ٹیم میں واپس آسکیں۔

کرکٹ حلقوں کا خیال ہے کہ اگر حارث رؤف کی صحت یابی کا سلسلہ اسی طرح جاری رہا تو وہ جولائی میں ہونے والی ویسٹ انڈیز کے خلاف سیریز کے لیے پاکستانی ٹیم کا حصہ بن سکیں گے۔