کراچی، کروڑوں کی چوری کا ڈراپ سین، مدعی خود ملوث نکلا

ملزمان نے 25 لاکھ کی خورد برد کی گئی رقم کو 4 سے 5 کروڑ روپے ظاہر کیا تاکہ گرفتاری سے بچا جا سکے،ایس ایس پی ویسٹ

جمعہ 18 جولائی 2025 13:10

کراچی، کروڑوں کی چوری کا ڈراپ سین، مدعی خود ملوث نکلا

کراچی(اُردو پوائنٹ اخبارتازہ ترین - این این آئی۔ 18 جولائی2025ء)سرجانی ٹائون میں مبینہ طور پرکروڑوں روپے کی چوری کا ڈراپ سین ہو گیا، واردات میں مدعی خود ہی ملوث نکلا۔

(جاری ہے)

پولیس کے مطابق 16 جولائی کوگھرمیں چوری کی اطلاع دی گئی تھی، تاہم تفتیش کے دوران اصل حقائق سامنے آ گئے، مدعی نے اپنے ساتھی کیساتھ مل کررقم، موبائل فون اورطلائی زیورات خود ہی چھپا دیئے تھے۔پولیس حکام کے مطابق ملزمان نے 25 لاکھ کی خورد برد کی گئی رقم کو 4 سے 5 کروڑ روپے ظاہر کیا تاکہ گرفتاری سے بچا جا سکے۔ایس ایس پی ویسٹ نے میڈیا کو بتایا کہ پولیس نے مدعی سمیت دونوں ملزمان کو گرفتارکرلیا ہے اورمزید قانونی کارروائی جاری ہے۔