ایوان بالا کا اجلاس، قانون حوالگی ملزمان بابت 1972 حوالگی ملزمان (ترمیمی) بل 2025 منظور کرلیا گیا

جمعہ 18 جولائی 2025 13:30

اسلام آباد (اُردو پوائنٹ اخبارتازہ ترین - اے پی پی۔ 18 جولائی2025ء) پارلیمنٹ کے ایوان بالا سینیٹ نے قانون حوالگی ملزمان بابت 1972 حوالگی ملزمان (ترمیمی) بل 2025کی منظوری دےدی۔

(جاری ہے)

جمعے کو سینیٹ کے اجلاس میں وزیر مملکت برائے داخلہ طلال چوہدری نے تحریک پیش کی کہ حوالگی ملزمان (ترمیمی) بل 2025قائمہ کمیٹی کی رپورٹ کردہ صورت میں فی الفور زیر غور لایا جائے۔ایوان بالا نے تحریک کی منظوری دےدی جس کے بعد ڈپٹی چیئرمین سینیٹ سیدال خان ناصر نے بل کی تمام شقوں کی یکے بعد دیگرے ایوان سے منظوری حاصل کی ۔وزیر مملکت برائے داخلہ طلال چوہدری نے تحریک پیش کی کہ حوالگی ملزمان (ترمیمی) بل 2025 منظور کیا جائے۔ایوان بالا نے اتفاق رائے سے بل کی منظوری دےدی ۔\932