آزاد کشمیر، نیلم میں جیپ گہری کھائی میں جاگری

,میاں بیوی سمیت 4 افرادجاںبحق،4 دیگر زخمی

جمعہ 18 جولائی 2025 22:03

نیلم(اُردو پوائنٹ اخبارتازہ ترین - آن لائن۔ 18 جولائی2025ء)آزاد کشمیر کے ضلع نیلم کے علاقے جاگراں سیری کے مقام پر ایک جیپ گہری کھائی میں جاگری، جس کے نتیجے میں میاں بیوی سمیت 4 افراد جاں بحق جبکہ 4 دیگر زخمی ہو گئے۔ریسکیو 1122 نے فوری طور پر امدادی کارروائیاں کرتے ہوئے زخمیوں کو قریبی ہسپتال منتقل کیا۔حادثے کا شکار جیپ میں 8 افراد سوار تھے۔

جاں بحق افراد میں حاجی سید عالم اعوان، عرفان چغتائی اور 2 خواتین شامل ہیں۔ریسکیو ذرائع کے مطابق حادثے کی بنیادی وجہ سڑک کی خستہ حالی ہے جو مقامی آبادی کے لیے مسلسل خطرہ بنی ہوئی ہے۔مقامی افراد کا کہنا ہے کہ سڑک کی حالت کئی عرصے سے خراب ہے لیکن انتظامیہ کی جانب سے مرمت یا بحالی کے کوئی اقدامات نہیں کیے گئے، جس کے باعث یہ سانحہ پیش آیا۔

(جاری ہے)

ریسکیو ذرائع کے مطابق 2025 کے دوران اب تک دریائے نیلم اور اس کے گرد و نواح میں پیش ا?نے والے ٹریفک و قدرتی حادثات میں 11 سے زائد افراد جاں بحق اور درجنوں زخمی ہو چکے ہیں۔زیادہ تر حادثات سڑک کی خستہ حالی، حفاظتی اقدامات کی کمی اور خطرناک موڑوں پر حفاظتی رکاوٹیں نہ ہونے کے باعث پیش آئے۔مقامی عوام نے حکومت سے فوری مطالبہ کیا ہے کہ سڑکوں کی بحالی اور ٹرانسپورٹ کے محفوظ نظام کے لیے ہنگامی اقدامات کیے جائیں تاکہ مزید قیمتی جانوں کا ضیاع نہ ہو۔