لاہورکالج فارویمن یونیورسٹی کی طالبات کی تھیسس ورک کی نمائش کا انعقاد

جمعہ 18 جولائی 2025 22:58

لاہور (اُردو پوائنٹ اخبارتازہ ترین - آن لائن۔ 18 جولائی2025ء) چیئرمین الحمراء رضی احمد میں اللہ بخش آرٹ گیلری میں جاری لاہور کالج فار ویمن یونیورسٹی کی طالبات کی تھیسسز ورک کی نمائش کا دورہ کیا،طالبات سے ملے، انکا کام دیکھا اور اس میں گہری دلچسپی لی، اتنے شاندار کام پرطالبات کو مبارکباد دی اور انہیں شاباش دیتے ہوئے کہا کہ طالبات کے اساتذہ نے بہت محنت سے بچوں کو اس درجہ اعلیٰ آرٹ کی تربیت دینے کیلئے تیار کیا ہے۔

اس موقع پر وائس چانسلر لاہور کالج فار ویمن یونیورسٹی عظمی قریشی بھی ان کے ہمراہ تھیں۔ایگزیکٹوڈائریکٹر الحمراء توقیر حید ر کاظمی نے بھی طالبات کی کامیابی کے لئے نیک تمنائوں کا اظہار کیا اور کہا کہ الحمراء آرٹ گیلری ایسے ہی باصلاحیت نوجوانوں کے لئے کامیابی کی سیڑھی کا کردار ادا کررہی ہے، یہ نمائش ان بچوں کے لئے عمر بھر یاد گار رہے گی۔

(جاری ہے)

نمائش میں اللہ بخش آرٹ گیلری کے چاروں پورشن میں 85 طالبات نے اپنے اپنے ٹیکسٹائل ڈیزائن کے منفرد پراجیکٹس پیش کیے جو دیکھنے والوں کے لئے اپنے اندر ندرت و جدت کا امتراج رکھتے ہیں۔ ان منصوبو ں میں فیشن، فرنیچر، ٹیکسٹائل اسکالپچر، پرنٹ ڈیزائن و دیگر میڈیم نہایت کری ایٹو سوچ کا مظہر تھے۔ واضح رہے طالبات کا کام مارکیٹ ڈیمانڈز کے عین مطابق تھا جسے دیکھنے والی آنکھ پسند کئے بغیر نہ رہ سکی۔

Facebook Twitter Google + Share on Whatsapp

لاہورکالج فارویمن یونیورسٹی کی طالبات کی تھیسس ورک کی نمائش کا انعقاد

متعلقہ عنوان :

مزید تعلیم کی خبریں