کے ٹو مہم جوئی کے دوران پاکستانی کوہ پیما جاں بحق، غیر ملکیوں کو بحفاظت نکال لیا گیا

ہفتہ 19 جولائی 2025 11:58

شگر(اُردو پوائنٹ اخبارتازہ ترین - این این آئی۔ 19 جولائی2025ء) دنیا کی دوسری بلند ترین چوٹی کے ٹو کی مہم جوئی کے دوران برفانی تودے کی زد میں آکر پاکستانی کوہ پیما جاں بحق ہوگیا۔ شگر کے ڈپٹی کمشنر عارف حسین کے مطابق کیٹو مہم جوئی کے دوران 4 کوہ پیما برفانی تودے کی زد میں آگئے تھے جس دوران 3 غیر ملکی کوہ پیماؤں کو بحفاظت نکال لیا گیا۔

(جاری ہے)

ڈپٹی کمشنر شگر عارف حسین کے مطا بق تینوں غیر ملکی کوہ پیما معمولی زخمی ہیں جنہیں اسپتال منتقل کر دیا گیا ہے۔

دوسری جانب ایک پاکستانی کوہ پیما برفانی تودے کی زد میں آکر جاں بحق ہوگیا جس کی شناخت محمد افتخار حسین کے نام سے ہوئی ہے،۔ڈپٹی کمشنر شگر عارف حسین نے بتایا کہ کوہ پیما محمد افتخار کا تعلق سدپارہ گاؤں سے تھا، جنہیں سدپارہ گاؤں میں ہی سپرد خاک کیا جائے گا۔