پنجاب پولیس اپنی فورس اور انکے اہل خانہ کی ہیلتھ ویلفیئر کیلئے پرعزم

پولیس ملازمین، انکے اہلخانہ کے علاج معالجے کیلئے مزید 27 لاکھ روپے فنڈز جاری

ہفتہ 19 جولائی 2025 13:54

لاہور (اُردو پوائنٹ اخبارتازہ ترین - این این آئی۔ 19 جولائی2025ء) پنجاب پولیس اپنی فورس اور انکے اہل خانہ کی ہیلتھ ویلفیئر کیلئے پرعزم ہے ، آئی جی پنجاب ڈاکٹر عثمان انور نے پولیس ملازمین، انکے اہلخانہ کے علاج معالجے کیلئے مزید 27 لاکھ روپے فنڈز جاری کر دیئے۔ترجمان پنجاب پولیس کے مطابق مرحوم اے ایس آئی شاہد محمود کی بیوہ دل کے عارضہ کے علاج معالجے کیلئے 05 لاکھ روپے فنڈز جاری، کانسٹیبل محمد ادریس کو بائیں ٹانگ کی سرجری کیلئے 05 لاکھ روپے فنڈز جاری، اے ایس آئیز شکیل احمد، زاہد محمود، ٹریفک وارڈن عظمت علی کو علاج معالجے کی مد میں 02 لاکھ روپے فی کس دئیے گئے، اے ایس آئی محمد اسلم، کانسٹیبل سعید اکبر کو علاج معالجے کیلئے ڈیڑھ لاکھ روپے فی کس دئیے گئے، ریٹائرڈ اسسٹنٹ ڈائریکٹر لیاقت علی، انسپکٹر محمد ریاض، ہیڈ کانسٹیبلز محمد احمد کو علاج معالجے کی مد میں کیلئے ایک لاکھ روہے فی کس فنڈز جاری، کانسٹیبلز قیصر بشیر، گل زمان کو علاج معالجے کی مد میں ایک لاکھ روپے فی کس دئیے گئے، آفس سپرنٹنڈنٹ عبدالحفیظ، اے ایس آئی مکینک جاوید اقبال، اے ایس آئیز محمد شکیل، اعجاز احمد کو علاج معالجے کی مد میں مجموعی طور پر 03 لاکھ روپے دئیے گئے۔

(جاری ہے)

آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجرا کی منظوری دی۔ انہوں نے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔