وائس چانسلرجامعہ قراقرم سے ڈائریکٹر جنرل گلگت ڈویلپمنٹ اتھارٹی کی ملاقات، کنوداس سے جامعہ قراقرم تک پینے کے صاف پانی کے منصوبہ پر تبادلہ خیال

پیر 21 جولائی 2025 20:15

گلگت (اُردو پوائنٹ اخبارتازہ ترین - اے پی پی۔ 21 جولائی2025ء) قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ سے ڈائریکٹر جنرل گلگت ڈویلپمنٹ اتھارٹی (جی ڈی اے) اظہار اللہ نے اہم ملاقات کی۔ ملاقات میں کنوداس سے جامعہ قراقرم تک پینے کے صاف پانی کے منصوبہ سمیت دیگر اہم امور پر تفصیلی تبادلہ خیال کیا گیا۔ اس دوران دونوں فریقین نے صاف پانی کی فراہمی کے منصوبے پر پیشرفت اور اس کے نفاذ کے حوالے سے غور کیا۔

(جاری ہے)

یہ منصوبہ خطے کے رہائشیوں کے لیے صاف پانی کی دستیابی کو یقینی بنانے کی جانب ایک اہم قدم ہے۔ وائس چانسلر جامعہ قراقرم پروفیسر ڈاکٹر عطاء اللہ شاہ نے ڈائریکٹر جنرل گلگت ڈویلپمنٹ اتھارٹی اور ان کی ٹیم کی کاوشوں کو سراہتے ہوئے کہا کہ یہ منصوبہ مقامی کمیونٹی کے لیے نہایت مفید ثابت ہوگا۔اس موقع پر دونوں اداروں نے باہمی تعاون کو مزید مضبوط کرنے اور ترقیاتی منصوبوں پر مل کر کام کرنے کے عزم کا بھی اعادہ کیا۔ یہ ملاقات خطے میں پائیدار ترقی اور بہتر سہولیات کی فراہمی کے لیے ایک مثبت پیش رفت ثابت ہوگی۔

Facebook Twitter Google + Share on Whatsapp

وائس چانسلرجامعہ قراقرم سے ڈائریکٹر جنرل گلگت ڈویلپمنٹ اتھارٹی کی ملاقات، کنوداس سے جامعہ قراقرم تک پینے کے صاف پانی کے منصوبہ پر تبادلہ خیال

متعلقہ عنوان :

مزید تعلیم کی خبریں