سی سی پی اولاہورکی زیرِ صدارت اجلاس ، پیشہ ورانہ امور کا جائزہ لیا

منگل 22 جولائی 2025 11:46

لاہور (اُردو پوائنٹ اخبارتازہ ترین - اے پی پی۔ 22 جولائی2025ء) سی سی پی اولاہوربلال صدیق کمیانہ کی زیرِ صدارت کیپٹل سٹی پولیس ہیڈ کوارٹرز میں اہم اجلاس منعقد ہوا۔ اجلاس میں امن و امان کی مجموعی صورتحال سمیت دیگر پیشہ ورانہ امور کا جائزہ لیا گیا۔ ڈی آئی جی سی سی ڈی وقاص الحسن نے اجلاس کو کرائم کنٹرول ڈیپارٹمنٹ کی جانب سے ٹریس کئے جانے والے کیسز پر بریفنگ دی ۔

اجلاس نے لاہور پولیس اور کرائم کنٹرول ڈیپارٹمنٹ سے متعلقہ مختلف امور کا تفصیلی جائزہ لیا۔ اجلاس میں ڈسٹرکٹ پولیس اورکرائم کنٹرول ڈیپارٹمنٹ کے درمیان محکمانہ کوارڈینیشن کومزید بہتر بنانے پر تبادلہ خیال کیا گیا۔سی سی پی او لاہور بلال صدیق کمیانہ نے کہا ہے کہ عوامی شکایات کے بروقت ازالے کے لئے لاہور پولیس اورکرائم کنٹرول ڈیپارٹمنٹ مل کر کام کریں۔

(جاری ہے)

باہمی تعاون اورکوارڈینیشن سے جرائم پر قابو پانے میں مزید بہتری آئے گی۔ مشترکہ کاوشوں سے جرائم سے پاک معاشرے کا قیام یقینی بنائیں گے۔بلال صدیق کمیانہ نے کہا کہ افسران پیشہ ورانہ مہارت اور جذبہ خدمت ِ خلق سے عوام کو ریلیف کی فراہمی میں اپنا کردارادا کریں۔ اجلاس میں ڈی آئی جی ایڈمن عمران کشور، ڈی آئی جی انوسٹی گیشن ذیشان رضا نے شرکت کی، ایس ایس پی انویسٹی گیشن محمد، ایس پی سی سی ڈی ون شاہ میر خالد اور ایس پی سی سی ڈی ٹوعبدالحنان بھی اجلاس میں شریک تھے۔