شیخوپورہ ،ناقص اشیائے خوردونوش تلف اورجرمانے

منگل 22 جولائی 2025 14:37

شیخوپورہ (اُردو پوائنٹ اخبارتازہ ترین - اے پی پی۔ 22 جولائی2025ء) ڈپٹی کمشنر شیخوپورہ شاہد عمران مارتھ کی ہدایت پر پنجاب فوڈ اتھارٹی شیخوپورہ کی فوڈ سیفٹی ٹیمیں معیاری خوراک کی فراہمی کو یقینی بنانے کے لئے فیلڈ میں مکمل متحرک ہیں ، ضلع بھر میں خوراک سے منسلک 122 کاروباروں کا معائنہ کیا گیا ۔ حفظان صحت کے اصولوں کی خلاف ورزی اور صفائی کے ناقص انتظامات پر 1 لاکھ 93 ہزار روپے سے زائد کا جرمانہ عائد کیا گیا۔

معیاری دودھ کی فراہمی کو یقینی بنانے کے لئے ضلع شیخوپورہ کے مختلف علاقوں میں چیکنگ کے دوران 54 ہزار 330 لٹر دودھ کو چیک کیا گیا-مزید براں مضر صحت غیر معیاری اور ممنوع زائد المیعاد اشیاء خورد نوش جن میں 5.75 لیٹر مشروبات ، 2 کلو سویٹس ، 0.1 کلو کھانے میں استعمال ہونے والا رنگ، 100.295 کلو گرام سمیت دیگر زائد المیعاد اشیاء اور بیکری آئٹمز کو موقع پر تلف کیا گیا ۔

(جاری ہے)

4 فوڈ پوائنٹ کو سیل کیا گیا اور 2 فوڈ پوائنٹ مالکان کے خلاف مقدمہ درج کر وایا گیا اور متعدد فوڈ پوائنٹس کو اصلاحی نوٹس بھی جاری کیے گئے ۔ ڈپٹی کمشنر شیخوپورہ شاہد عمران مارتھ نے پنجاب فوڈ اتھارٹی کی ٹیموں کی مضر صحت اشیاء کی خریدوفروخت کرنے والوں کے خلاف کاروائیوں بارے گفتگو کرتے ہوئے کہا کہ عوام الناس کو صاف ستھری خوراک کی فراہمی پنجاب فوڈ اتھارٹی کی اولین ترجیح ہونی چاہیے، پنجاب فوڈ اتھارٹی ہمیشہ کی طرح لوگوں کو صاف ستھری اور معیاری خوراک کی فراہمی کے لیے دن رات کوشاں ہے ۔\378

Facebook Twitter Google + Share on Whatsapp

شیخوپورہ ،ناقص اشیائے خوردونوش تلف اورجرمانے

متعلقہ عنوان :

مزید قومی خبریں