امریکی حملوں میں ایرانی یورینیم افزودگی کی صلاحیت معطل

یہ سلسلہ عارضی معطل ہے،ایٹمی پروگرام سے دستبردارنہیں ہونگے،ایرانی وزیرخارجہ

منگل 22 جولائی 2025 15:38

تہران (اُردو پوائنٹ اخبارتازہ ترین - این این آئی۔ 22 جولائی2025ء)ایرانی وزیرِ خارجہ عباس عراقچی نے کہا کہ ہماری ایٹمی تنصیبات پر امریکی حملوں کی وجہ سے ہماری یورینیم افزودگی کی صلاحیت معطل ہوگئی ہے۔

(جاری ہے)

بین الاقوامی میڈیا کے مطابق ایک امریکی چینل کو انٹرویو دیتے ہوئے ایرانی وزیرِ خارجہ نے بتایا ہے کہ امریکی فضائی حملوں کی وجہ سے ایران کی ایٹمی تنصیبات کو کافی نقصان اٹھانا پڑا اور ہماری یورنیم افزودگی کا سلسلہ معطل ہوگیا۔انہوں نے مزید بتایا یہ سلسلہ عارضی طور پر معطل ہوا ہے، ایران کا اپنے ایٹمی پروگرام سے دستبردار ہونے کا کوئی ارادہ نہیں ہے۔عباس عراقچی نے کہاکہ ہم امریکا سے مزاکرات کے لیے تیار ہیں، لیکن یہ مزاکرات براہ راست امریکا کے ساتھ نہیں ہوں گے۔