ایشین انڈر 16والی بال جیتنے والے کھلاڑیوں کیلئے ایک سال تک سکالرشپ کا اعلان

پنجاب کے کھلاڑیوں کو پلاٹینم کیٹیگری سے 70ہزار روپے ماہانہ دیئے جائیں گے‘ڈی جی سپورٹس پنجاب

منگل 22 جولائی 2025 18:09

لاہور(اُردو پوائنٹ اخبارتازہ ترین - این این آئی۔ 22 جولائی2025ء)ڈائریکٹر جنرل سپورٹس پنجاب خضرافضال چودھری نے ایشین انڈر16والی بال جیتنے والے کھلاڑیوں کیلئے ایک سال تک سکالرشپ دینے کا اعلان کردیا۔

(جاری ہے)

ڈی جی سپورٹس پنجاب خضرافضال چودھری سے انڈر 16والی بال چمپئن کھلاڑیوں کی ملاقات ہوئی، ملاقات میں انہوں نے کھلاڑیوں کو شاندار کامیابی پر مبارکباد دی،اور پلاٹینم کیٹیگری سے 70ہزار روپے ماہانہ دینے کا اعلان کیا۔

ڈی جی سپورٹس پنجاب نے کہا کھلاڑیوں نے جذبے مہارت اور ٹیم ورک سے تاریخ رقم کی ہے،آپ جیسے ٹیلنٹ کی رہنمائی اور حوصلہ افزائی ہماری اولین ترجیح ہے،مجھے یقین ہے ہمارایہی ٹیلنٹ عالمی سطح پرملک کا نام روشن کرتا رہے گا،فائنل میں ایران جیسی مضبوط ٹیم کو شکست دینا بڑا کارنامہ ہے،ٹیم کوچ کفایت اللہ ودیگر آفیشلز بھی ملاقات میں موجود تھے۔