مودی سرکار کا بھارتی کرکٹ بورڈ کو وزارت کھیل کے دائرہ اختیار میں لانے کا فیصلہ

یہ بل بھارت کے گورننس ماڈل کو اولمپک اور پیرا اولمپک چارٹرڈکے ساتھ ہم آہنگ کرنے کی بھی کوشش کرے گا

ذیشان مہتاب بدھ 23 جولائی 2025 11:09

مودی سرکار کا بھارتی کرکٹ بورڈ کو وزارت کھیل کے دائرہ اختیار میں لانے ..

نئی دہلی (اردو پوائنٹ تازہ ترین اخبار ۔ 23 جولائی 2025ء ) بی جے پی حکومت نے انوکھا فیصلہ کرتے ہوئے بھارتی کرکٹ بورڈ کونیشنل اسپورٹس گورننس بل کے تحت شامل کرنے کا فیصلہ کرلیا۔

بل بدھ کو یعنی آج پارلیمنٹ میں پیش کیا جائے گا، بی سی سی آئی کو سرکاری طور پر وزارت کھیل کے دائرہ اختیار میں لانے کی تیاری کرلی گئی ہے۔

یہ بل بھارت کے گورننس ماڈل کو اولمپک اور پیرا اولمپک چارٹرڈ کے ساتھ ہم آہنگ کرنے کی بھی کوشش کرے گا۔

(جاری ہے)

بی سی سی آئی حکومتی فنڈنگ پر بھروسہ نہیں کرتا ہے، بھارتی بورڈ کے صدر راجر بنی کو عمر کی وجہ سے عہدہ چھوڑنا پڑسکتا ہے۔

میڈیا رپورٹس نیشنل اسپورٹس بل سے تمام عہدیداروں کے لیے زیادہ سے زیادہ عمر کی حد 70 سے بڑھا کر 75 سال کرنے کی امید ہے۔

بھارتی کرکٹ بورڈ حکومتی گرانٹ کے بغیرآزادانہ طور پر کام کرتا رہا ہےلیکن بی جے پی کی بھارتی حکومت نے بھارتی کرکٹ بورڈ کو نیشنل اسپورٹس گورننس بل کے تحت شامل کرنے کا فیصلہ کیا ہے۔

راجیو شکلا کی بی سی سی آئی کی نائب صدارت ختم ہونے کے قریب ہے جب کہ صدر راجر بنی کی صدارت بھی خطرے میں ہے۔