پنجاب بھرمیں1248ٹریفک حادثات میں15افراد جاں بحق1447زخمی ہوئے

بدھ 23 جولائی 2025 20:44

لاہور(اُردو پوائنٹ اخبارتازہ ترین - این این آئی۔ 23 جولائی2025ء)ایمرجنسی سروسزڈیپارٹمنٹ نے گز شتہ 24گھنٹوں کے دوران پنجاب بھر میں1447ٹریفک حادثات پر ریسپانڈ کیا جن میں616افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔831معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

ان حادثات میں زیادہ تر تعداد (76فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں814ڈرائیوز،53کم عمرڈرائیور، 472مسافراور176پیدل چلنے والے افراد متاثر ہوئے۔

(جاری ہے)

اعدادو شمار سے ظاہر ہوتا ہے کہ243ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت290متاثرین کے ساتھ پہلے فیصل آباد 84حادثات میں95متاثرین کے ساتھ دوسر ے ، ملتان 83حادثات میں89متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل1447متاثرین میں1214مرد اور248خواتین شامل ہیں جبکہ زخمی ہونیوالوں میں221افراد کی اوسط عمر18سال سے کم821افراد کی اوسط عمر 18سے 40سال کے درمیان جبکہ420زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں1214موٹرسائیکلز،80آٹورکشے،118کاریں،24وین،18مسافر بسیں،05ٹرک اور117دوسری اقسام کی گاڑیاں شامل ہیں۔