ش*وزیراعلیٰ پنجاب بغیر شیڈول ڈسٹرکٹ ہیڈکوارٹر ہسپتال ننکانہ صاحب پہنچ گئیں

)ہسپتال کی ایمرجنسی اور دیگر وارڈز کا دورہ کیا، مریضوں اور تیمارداروں سے دستیاب سہولتوں کے بارے میں دریافت کیا ۱وزیراعلیٰ نے ڈسٹرکٹ ہیڈ کوارٹرہسپتال ننکانہ صاحب میں موجود ہر مریض سے مفت میڈیسن کے بارے میں دریافت کیا

بدھ 23 جولائی 2025 20:10

ّلاہور (اُردو پوائنٹ اخبارتازہ ترین - آن لائن۔ 23 جولائی2025ء) وزیراعلیٰ پنجاب مریم نواز شریف ڈی سی آفس ننکانہ صاحب سے بغیر شیڈول ڈسٹرکٹ ہیڈکوارٹر ہسپتال پہنچ گئیں۔وزیراعلیٰ مریم نواز شریف نے ڈسٹرکٹ ہیڈکوارٹر ہسپتال کی ایمرجنسی اور دیگر وارڈز کا دورہ کیا۔وزیراعلیٰ مریم نواز شریف نے ہسپتال میں موجود مریضوں اور تیمارداروں سے دستیاب سہولتوں کے بارے میں دریافت کیا۔

(جاری ہے)

وزیراعلیٰ مریم نواز شریف نے ہر مریض سے مفت میڈیسن کے بارے میں دریافت کیا اور پرچیاں چیک کیں ۔وزیراعلیٰ مریم نواز شریف نے ہسپتال کی مرکزی انتظارگاہ میں دستیاب میڈیسن اور ان کی تعداد بورڈ پر آویزاں کرنے کو سراہا۔وزیراعلیٰ مریم نوزشریف نے مریضوں کی آمد، تشخیص اور ادویات کی فراہمی کا کا وقت چیک کیا۔وزیراعلیٰ مریم نواز شریف نے ہر مریض کی اوسطاً ڈیڑھ گھنٹے کے اندر تشخیص اور ادویات کی فراہمی پر اظہارتحسین کیا۔