مائیپل فیئر میلانو میں شرکت کے لئے درخواستیں جمعے تک جمع کرائی جا سکتیں ہیں،ٹی ڈی اے پی

جمعرات 24 جولائی 2025 16:44

اسلام آباد (اُردو پوائنٹ اخبارتازہ ترین - اے پی پی۔ 24 جولائی2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ اٹلی میں 7 ستمبر سے ہونے والی بین الاقوامی تجارتی نمائش ’’ مائیپل فیئر میلانو ‘‘ میں شرکت کے لئے کل( جمعہ تک )درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش اٹلی کے شہر میلانو میں 7 سے9 ستمبر تک جاری رہے گی جس میں تمام اقسام کے بیگز ، بیگ پیکس ، ورک بیگس ، ٹریول گڈز ، بیلٹس ، دستانے ، چھتریاں ، چمڑ ے کی مصنوعات اور فیشن اسیسریز سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔\932