یورپی یونین میں 2024 کے دوران وی اے ٹی ریونیو کی مد میں 33 ارب یورو سے زائد کی وصولی

جمعرات 24 جولائی 2025 16:47

برسلز(اُردو پوائنٹ اخبارتازہ ترین - این این آئی۔ 24 جولائی2025ء)یورپی یونین میں 2024 کے دوران وی اے ٹی ریونیو کی مد میں 33 ارب یورو سے زائد کی وصولی ہوئی۔

(جاری ہے)

اماراتی نیوز ایجنسی کے مطابق یورپی یونین کے رکن ممالک کی جانب سے جاری کردہ نئے اعداد و شمار کے مطابق 2024 کے دوران ای-کامرس وی اے ٹی نظام کے تحت 33 ارب یورو سے زائد ریونیو حاصل ہوا جو اس بات کا ثبوت ہے کہ 2021 کی اصلاحات نے ٹیکس ادائیگی کو آسان بنانے، کاروبارکی معاونت اور منصفانہ ٹیکس نظام کو فروغ دینے میں کامیابی حاصل کی ہے۔

ون اسٹاپ شاپ (او ایس ایس )اور امپورٹ ون اسٹاپ شاپ کے ذریعے کاروبار صرف ایک رکن ریاست میں رجسٹریشن کے بعد یورپی یونین کے اندر سرحد پار اشیا اور خدمات کی فروخت اور کم مالیت کی درآمدات پر وی اے ٹی کا اعلان اور ادائیگی کر سکتے ہیں۔