غزہ ہیومنیٹیرین فائونڈیشن درست انداز میں کام نہیں کر رہی، امریکی سینیٹر

یہ ہماری مشترکہ اخلاقی ذمہ داری ہے کہ غزہ میں امداد کی فوری فراہمی یقینی بنائیں،کوری بوکر

اتوار 27 جولائی 2025 13:10

واشنگٹن (اُردو پوائنٹ اخبارتازہ ترین - این این آئی۔ 27 جولائی2025ء)امریکی سینیٹر کوری بوکر نے کہا کہ غزہ ہیومنیٹیرین فائونڈیشن درست انداز میں کام نہیں کر رہی ہے۔

(جاری ہے)

عرب میڈیا کے مطابق امریکی ڈیموکریٹک پارٹی سے تعلق رکھنے والے سینیٹر کوری بوکر نے کہا ہے کہ غزہ میں لوگوں کو بھوک سے مرتے دیکھنا تکلیف دہ ہے۔کوری بوکر نے کہا کہ یہ ہماری مشترکہ اخلاقی ذمہ داری ہے کہ غزہ میں امداد کی فوری فراہمی یقینی بنائیں، کیونکہ غزہ ہیومنیٹیرین فائونڈیشن طے شدہ منصوبہ بندی کے مطابق کام نہیں کررہی۔مئی سے اب تک غزہ میں 1 ہزار فلسطینی شہید ہوچکے ہیں جو غزہ ہیومنیٹیرین فائونڈیشن سے امداد کے حصول کے لیے آئے تھے۔