ناصر باغ روڈ ریگی میں ڈیری فارم کی زیر تعمیر چھت گر گئی، ایک مزدور جاں بحق، 2 زخمی

اتوار 27 جولائی 2025 14:40

پشاور (اُردو پوائنٹ اخبارتازہ ترین - اے پی پی۔ 27 جولائی2025ء) پشاور کے علاقے ناصر باغ روڈ ریگی میں ڈیری فارم کی زیر تعمیر چھت گرنے سے ایک مزدور جاں بحق جبکہ 2 زخمی ہو گئے۔

(جاری ہے)

اتوار کو ڈسٹرکٹ ایمرجنسی آفیسر غیور مشتاق خان کے مطابق ناصر باغ روڈ ریگی میں ڈیری فارم کی تعمیراتی چھت گر گئی، ابتدائی طور پر ملبے کے نیچے 3 مزدور دب گئے۔ ریسکیو 1122 کی ٹیموں نے موقع پر پہنچ کر امدادی کارروائیاں شروع کر دیں۔ ریسکیو 1122 کے اہلکاروں نے ملبے تلے سے تمام زخمیوں کو نکال لیا۔ ریسکیو 1122 کی میڈیکل ٹیم نے زخمیوں کو موقع پر ابتدائی طبی امداد فراہم کر کے ہسپتال منتقل کر دیا جہاں ڈاکٹروں نے ایک مزدور کے جاں بحق ہونے کی تصدیق کر دی۔