ہماری ساڑھے 5ماہ کی حکومت کے فنڈز نہ روکے جاتے تو گجرات نہ ڈوبتا، پرویز اٰلہی

ن )لیگ کے کام میں برکت نہیں، بانی پی ٹی آئی لوگوں کے دلوں میں بستے ہیں، سابق وزیراعلی پنجاب

ہفتہ 13 ستمبر 2025 21:50

ہماری ساڑھے 5ماہ کی حکومت کے فنڈز نہ روکے جاتے تو گجرات نہ ڈوبتا، پرویز ..

گجرات (اُردو پوائنٹ اخبارتازہ ترین - این این آئی۔ 13 ستمبر2025ء)پی ٹی آئی رہنما ء و سابق وزیر اعلی پنجاب چوہدری پرویز الٰہی نے کہا ہے کہ ہماری ساڑھے 5ماہ کی حکومت کے فنڈز نہ روکے جاتے تو گجرات نہ ڈوبتا۔گجرات میں تقریب سے خطاب میں پرویز الٰہی نے کہا کہ مخالفین مارے مارے پھر رہے ہیں کہ گجرات کے لیے پیکیج لے کر آئے ہیں۔

(جاری ہے)

انہوں نے کہا کہ ہمارا 1122 کا منصوبہ ہی کافی ہے، ن لیگ ہمارے منصوبے جیسا کوئی ایک منصوبہ لا کر دکھائے۔

انہوں نے کہا کہ ن لیگ کے کام میں برکت نہیں، بانی پی ٹی آئی لوگوں کے دلوں میں بستے ہیں۔اس موقع پر سلمان اکرم راجہ نے کہا کہ اڈیالہ جیل سے بانی کا پیغام لیکر حاضر ہوا ہوں، ہمارے عوام دوست منصوبوں کو عوام دشمن حکومت نے چلنے نہیں دیا۔ انہوں نے کہا کہ بانی کا حکم ہے کہ مشکل گھڑی میں ورکرز عوام کے ساتھ کھڑے ہوں، پی ٹی آئی چوہدری پرویز الٰہی کے ساتھ کھڑی ہے۔